अवेळीच दाटे धुके आठवांचे
पुन्हा मोहरे झाड वेड्या मनाचे
उरी डंख मारि हवासा हवासा;
ऋतू जीवघेणा तुझ्या आठवांचा
दिशांतून दाटे तुझे इंद्रजाल;
तुझे रूप घेई जणू भोवताल
पुन्हा तो शहारा फुले ओळखीचा;
ऋतू जीवघेणा तुझ्या आठवांचा
पुन्हा धाव घेई खुळा जीव मागे;
तुझ्या मिलनाची मनी आस जागे
उगा भास होई तुझ्या पावलांचा;
ऋतू जीवघेणा तुझ्या आठवांचा.
- गुरु ठाकूर
फारच सुरेख शब्द
ReplyDelete