नाते

तुझे असंख्यात हात त्यातलेच माझे दोन 

तुझे असंख्यात पाय त्यातलेच माझे दोन

तुझे असंख्यात डोळे त्यातलेच माझे दोन

तुझे असंख्यात ओठ त्यातलेच माझे दोन

तुझ्या संकल्पाप्रमाणे घडो त्यांची हालचाल 

तुझ्या प्रातिभ दीप्तीने माझे उजळो कपाळ 

माझ्या पिंडात स्पंदतो तुझा ब्रम्हांडाचा स्पंद 

माझ्या प्राणातून वाहे तुझा आनंद निस्पंद 

सूत्रचालका खेळतो जसा खेळविसी माते 

कळा तुझी खुलवावी असे तुझे माझे नाते.

- बा.भ.बोरकर