आसवांचे जरी हसे झाले!
हे तुला पाहिजे तसे झाले!!
हे तुला पाहिजे तसे झाले!!
चंद्र आला निघुनही गेला!
ऐनवेळी असे कसे झाले!!
ऐनवेळी असे कसे झाले!!
शोधुनी मी तुला कुठे शोधु!
चेहऱ्याचेच आरसे झाले!!
चेहऱ्याचेच आरसे झाले!!
पाहिले दुःख मी तुझे जेव्हा!
दुःख माझे लहानसे झाले!!
दुःख माझे लहानसे झाले!!
आग ओकून मी किती ओकू!
शब्द सारेच कोळसे झाले!!
शब्द सारेच कोळसे झाले!!
संपले हाय बोलणे माझे!
जे तुझ्याशी कसेबसे झाले!!
जे तुझ्याशी कसेबसे झाले!!
- सुरेश भट
No comments:
Post a Comment