जीव दंगला, गुंगला, रंगला
असा, पिरमाची
आस तू
जीव लागला, लाभला ध्यास ह्यो तुझा, गहिवरला श्वास तू
पैलतीरा नेशिल, साथ मला देशिल, काळिज माझं तू
सुख भरतीला आलं, नभ धरतीला आलं, पुनवंचा चांद तू
चांद सुगंधा येईल, रात उसासा देईल,
सारी धरती तुझी, रुजव्याची माती तू
खुळं आभाळ ढगाळ, त्याला रुढिंचा इटाळ,
माझ्या लाख सजणा ही
कांकणाची तोड माळ तू
खुळं काळिज हे माझं तुला
दिलं मी आंदण
तुझ्या पायावर माखीन माझ्या
जल्माचं गोंदण
जीव दंगला, गुंगला, रंगला
असा, पिरमाची
आस तू
जीव लागला, लाभला ध्यास ह्यो तुझा, गहिवरला श्वास तू
पैलतीरा नेशिल, साथ मला देशिल, काळिज माझं तू
सुख भरतीला आलं, नभ धरतीला आलं, पुनवंचा चांद तू
- संजय
कृष्णाजी पाटील
No comments:
Post a Comment