मुक्याने बोलले.. गीत ते जाहले
स्वप्नं साकारले पहाटे पाहिले..
नाव नात्याला काय नवे ?
वेगळे मांडले सोहळे तुजसाठी
मिळावे तुझे तुला.. आस ही ओठी
कोणी कुठे बांधल्या रेशीमगाठी ?
जुळून येती रेशीमगाठी..
आपुल्या रेशीमगाठी..
उन्हाचे चांदणे उंबर्यात सांडले
डाव सोनेरी सुखाचे कुणी मांडले ?
खेळ हा कालचा.. आज कोण जिंकले ?
हरवले कवडसे.. मिळून ते शोधले
एकमेकांना काय हवे?
जे हवे सगळेच आणले तुजसाठी
कळावे तुझे तुला.. मी तुजसाठी
कोणी कुठे बांधल्या रेशीमगाठी ?
जुळून येती रेशीमगाठी..
आपुल्या रेशीमगाठी..
- - अश्विनी शेंडे
No comments:
Post a Comment