उभे भवती प्रासाद
गगनभेदी
पथी लोकांची होय दाट गर्दी
पथी लोकांची होय दाट गर्दी
प्रभादिपांची फ़ुले
अंतराळी
दौलतीची नित चालते दिवाळी
दौलतीची नित चालते दिवाळी
कोप-याशी गुणगुणत
अन् अभंग
उभा केव्हाचा एक तो अपंग
उभा केव्हाचा एक तो अपंग
भोवतीचा अंधार जो
निमाला
ह्रदयी त्याच्या जणु जात आश्रयाला
ह्रदयी त्याच्या जणु जात आश्रयाला
जीभ झालेली ओरडूनी
शोश
चार दिवसांचा त्यात ही उपास
चार दिवसांचा त्यात ही उपास
नयन थिजले थरथरती
हात पाय
रुप दैन्याचे उभे मुर्त काय ?
रुप दैन्याचे उभे मुर्त काय ?
कीव यावी पण तयाची
कुणाला
जात उपहासुनी पसरल्या कराला
जात उपहासुनी पसरल्या कराला
तोची येइ कुणी
परतूनी मजुर
बघूनी दीना त्या उभारुनी ऊर
बघूनी दीना त्या उभारुनी ऊर
म्हणे राहीन दीन एक
मी उपाशी
परि लाभु दे दोन घास त्यासी
परि लाभु दे दोन घास त्यासी
खिसा ओतुनी त्या
मुक्या ओंजळीत
चालू लागे तो दिनबंधू वाट
चालू लागे तो दिनबंधू वाट
आणी धनिकांची वाहने
पथात
जात होती ती आपुल्या मदात
जात होती ती आपुल्या मदात
- कुसुमाग्रज
No comments:
Post a Comment