चंद्र राहिला नाही भाबड्या चकोरांचा
चांदण्यावरी ताबा आजकाल चोरांचा
चांदण्यावरी ताबा आजकाल चोरांचा
लागले न झाडांना दोनचार शिंतोडे
नाचही सुरू झाला जंगलात मोरांचा
नाचही सुरू झाला जंगलात मोरांचा
मी अजूनही येथे श्वास घेतला नाही
दे सुगंध थोडासा कालच्या फुलोरांचा !
दे सुगंध थोडासा कालच्या फुलोरांचा !
मांडले कुणी येथे आज ताट सोन्याचे ?
आठवे न रामाला द्रोण रानबोरांचा!
आठवे न रामाला द्रोण रानबोरांचा!
मी तुझा क्षणासाठी हात घेतला हाती...
कायदा कसा पाळू मी तुझ्या बिलोरांचा ?
कायदा कसा पाळू मी तुझ्या बिलोरांचा ?
राहिली जगी माझी एवढीच पुण्याई
मी न सोयरा झालो त्या हरामखोरांचा !
मी न सोयरा झालो त्या हरामखोरांचा !
- सुरेश भट
No comments:
Post a Comment