रुणझुणत राहिलो! किणकिणत राहिलो!
जन्मभर मी तुला ‘ये’ म्हणत राहिलो!
जन्मभर मी तुला ‘ये’ म्हणत राहिलो!
सांत्वनांना तरी हृदय होते कुठे?
रोज माझेच मी मन चिणत राहिलो!
रोज माझेच मी मन चिणत राहिलो!
ऐकणारे तिथे दगड होते जरी,
मीच वेड्यापरी गुणगुणत राहिलो!
मीच वेड्यापरी गुणगुणत राहिलो!
शेवटी राहिले घर सुनेच्या सुने…
उंबऱ्यावरच मी तणतणत राहिलो!
उंबऱ्यावरच मी तणतणत राहिलो!
ऐनवेळी उभे गाव झाले मुके;
मीच रस्त्यावरी खणखणत राहिलो!
मीच रस्त्यावरी खणखणत राहिलो!
विझत होते जरी दीप भवतालचे,
आतल्या आत मी मिणमिणत राहिलो!
आतल्या आत मी मिणमिणत राहिलो!
दूर गेल्या पुन्हा जवळच्या सावल्या
मी जसाच्या तसा रणरणत राहिलो!
मी जसाच्या तसा रणरणत राहिलो!
मज न ताराच तो गवसला नेमका..
अंबरापार मी वणवणत राहिलो!
अंबरापार मी वणवणत राहिलो!
- सुरेश भट
No comments:
Post a Comment