येणारा दिवस मला हेटाळत हसणारच
जाणारा दिवस मला जाताना डसणारच
जाणारा दिवस मला जाताना डसणारच
वरवरच्या बोलण्यात गेली बघ रात्र सरून
मावळता चंद्र तुझे नाव मला पुसणारच
मावळता चंद्र तुझे नाव मला पुसणारच
देताना हृदय तुला केला मी हा विचार-
"घेणारा घेणारच! देणारा फसणारच!"
"घेणारा घेणारच! देणारा फसणारच!"
हारूनही लाखवार माझी झाली न हार
मी माझ्या स्वप्नांना फिरफिरून पिसणारच!
मी माझ्या स्वप्नांना फिरफिरून पिसणारच!
माझे घर वार्याचे अन् पायच पार्याचे
मी जगास रस्त्यावर गाताना दिसणारच!
मी जगास रस्त्यावर गाताना दिसणारच!
काही भलतेच लोक तेव्हा करतील शोक
तेव्हाही मी त्यांच्या आसवांत नसणारच!
तेव्हाही मी त्यांच्या आसवांत नसणारच!
- सुरेश भट
No comments:
Post a Comment