मी कशाला जन्मलो? – चुकलेच माझे!
ह्या जगाशी भांडलो! – चुकलेच माझे!
मान्यही केलेस तू आरोप सारे,
मीच तेव्हा लाजलो! – चुकलेच माझे!
सांग आता, ती तुझी का हाक होती?
मी खुळा भांबावलो! – चुकलेच माझे!
भोवतीचे चेहरे सुतकीच होते,
एकटा मी हासलो – चुकलेच
चालताना ओळखीचे दार आले..
मी जरासा थांबलो! – चुकलेच माझे!
पाहिजे पूजेस त्यांना प्रेत माझे!
मी जगाया लागलो! – चुकलेच माझे!
वाट माझ्या चार शब्दांचीच होती..
मी न काही बोललो! – चुकलेच माझे!
- सुरेश भट
No comments:
Post a Comment