Thursday 30 June 2011

हि अवखळ देखणी

हि अवखळ देखणी माझ्या मनी साजणी 
वर सुंदर भास हा पानाफुलांच्या वरी
खळखळत्या पाण्यातून 
पाण्यातील गाण्यातून 
झुळझुळ कुणी चालते 
सळसळत्या वाऱ्यातून
वाऱ्याच्या तोरयातून
मंजुळ कुणी बोलते 
ती हसणारी,ती फुलणारी 
ती अवखळ देखणी माझ्या मनी साजणी 
वर सुंदर भास हा पानाफुलांच्या वरी

श्वासात या भास तुझा आहे सदा जागता...प्रिये गं
गंध तुझा धुंद असा दरवळतो आहे सदा 
हे अंतरंग हे तरंग झाले 
श्वास मंद हे सुगंध झाले 
गाणे तुझे गाऊनी
हे आसमंत दरवळून आले 
रंग रंग चांदण्यात न्हाले 
सारे तुला पाहुनी 
ती हसणारी,ती फुलणारी 
ती अवखळ देखणी माझ्या मनी साजणी 
वर सुंदर भास हा पानाफुलांच्या वरी

चालुनिया,थांबुनिया,शोधुनिया पहिले...तुला गं 
आज अश्या दाही दिशा सखे तुला साहिले 
सजणी ध्यास तुचं श्वास तुचं माझा 
भासतो प्रवास रोज आता चाले तुझ्यामागुनी 
सजणी पान फुल पाखरात सारा 
वाहतो तुझाच धुंद वारा वेडापिसा होवुनी 
ती हसणारी,ती फुलणारी 
ती अवखळ देखणी माझ्या मनी साजणी 
वर सुंदर भास हा पानाफुलांच्या वरी

- सौमित्र 

Wednesday 29 June 2011

कधी सांजवेळी


कधी सांजवेळी मला आठवुनी
तुझ्या भोवताली जराशी वळुनी, पाहशील का ?
पाहशील का ?

तुझा दूर येथे उठू दे शहारा
शरीरावरुनी जसा गार वारा, वाहशील का ?
वाहशील का ?

रिते सूर आता इथे या उराशी
जरा सोबतीला मनाच्या तळाशी राहशील का?
राहशील का?

तुझ्या आठवांना इथे साहतो मी
तुला साहतो मी तशी तू मलाही साहशील का ?
साहशील  का?

- सौमित्र

बघ माझी आठवण येते का ?


मुसळधार पाऊस खिडकित उभं राहून पहा
बघ माझी आठवण येते का?
हात लांबव, तळहातांवर झेल पावसाचं पाणी, इवलसं तळं पिउन टाक ,
बघ माझी आठवण येते का ?
वारयाने उडणारे पावसाचे थेंब चेहर्यावर घे,
डोळे मिटून घे, तल्लीन हो ,
नाहीच जाणवल काही तर बाहेर पड,
समुद्रावर ये, तो उधाणलेला असेलच,
पाण्यात पाय बुडवून उभी रहा, वाळू सरकेल पायाखाली,
बघ माझी आठवण येते का?
मग चालू लाग, पावसाच्या अगणित सुया टोचून घे,
चालत रहा पाऊस थांबेपर्यत,
तो थांबणार नाहीच, शेवटी घरी ये,
साडी बदलू नकोस, केस पुसू नकोस,
पुन्हा त्याच खिडकीत ये, आता नवर्याची वाट बघत,
बघ माझी आठवण येते का?
दारावर बेल वाजेल, दार उघड, नवरा असेल,
त्याच्या हातातली बॅग घे, रेनकोट तो स्वतःच काढ़ेल,
तो विचारेल तुला तुझ्या भिजण्याचा कारण,
तू म्हणं घर गळतयं, मग चहा कर, तूही घे ,
तो उठून पंकज उधास लावेल, तू तो बंद कर,
किशोरीच सहेलारे लाव,
बघ माझी आठवण येते का?
मग रात्र होईल, तो तुला कुशीत घेईल म्हणेल तू मला आवडतेस
पण तुही तसचं म्हणं,
विजांचा कडकडाट होईल, ढ़गांचा गडगडाट होईल,
तो त्या कुशीवर वळेल, त्याच्या पाठमोर्या शरीराकडे बघ,
बघ माझी आठवण येते का?
यानंतर सताड डोळ्यांनी छप्पर पहायला विसरू नकोस,
यानंतर बाहेरचा पाऊस नुसता ऐकण्याचा प्रयत्न कर ,
यानंतर उशीखाली सुरी घे, झोपी जाण्याचा प्रयत्न कर ,
येत्या पावसाळ्यात एक दिवसतरी,
बघ माझी आठवण येते का?

- सौमित्र

Saturday 25 June 2011

रुणझून रुणझून नादत पैंजण


रुणझून रुणझून नादत पैंजण
पैल तटावर निळसर साजन
निजले गोकुळ मागे ठेऊन
चेहर्यावरती घूंघट घेऊन
चालले यमुनेकडे अंतर हे अधिरे
जळतसे छळतसे मज कसे कृष्णपिसे गहिरे

झर झर येऊन पदरा पकडून हसतो मज हा वारा
अडविती लाटा अवघ्या वाटा पाऊस कोसळणारा
कुणी अडवावे कुणास भ्यावे श्रीहरी सावरणारा
जायचे पोचायचे इतुके मज ठावे
हो जरी पळ भरी पण तरी मी त्याचे व्हावे

या तीरावर जरी अंगावर पाश मला छळणारे
त्या तीरावर दिसते लाघव निळसर मोहवणारे
एका स्पर्शी शत जन्मान्ची तहान शांतवणारे
एकदा येऊ दे कानी ती मुरली
खूण ही या तीरी लाजरी माझी ही उरली


संदीप खरे